للذكريات طعم

للمشاعر طعم اي للفرح طعم ويا حلوه من طعم وللحزن طعم ويا مره من طعم
صحيح ان اللنسيان نعمه احيانا بس للذكريات طعم ...
اي لها طعم ومو اي طعم بعد ...
ذكرياتنا الحلوه لها طعم لي طرت علينا آآآآه ابتسمنا وتنهدنا وقلنا يا حلو ذيج الأيام ...اي يا حلو ذيج الأيام ...
ايام البساطه وعفوية الطفوله ايام المقالب والسفرات ايــــــــام وايـام وايام

ايام مرت بسرررررررررعه
بس ان طرت علينا بنشوفها وكأنه بذيج اللحضه بنفس الانفعال ونفس الروح القديمه ...
ومثل مافي ذكريات حلوه في ذكريات أليمه
لي تذكرناها حسينه بطعمها حسينه بغصه ويمكن تخنقنا العبره وقتها...

يوم ذكرى فراق الغالي تذكر يوم فرقاه والخبر اللي يالك برحيله غصه الخبر ودموع قديمه يمكن ترجع هذي لدموع لحضه ذكراااه

والغصه اهي الغصه نفسها ...
()()()
كلنا عندنا تساؤل ليش ؟؟؟؟
ليش الذكرى تصحب انفعال وليش الانفعال والغصه تبقى موجوده نفسها بنفس الطعم !!!

واللي يدور في بالنا بعد ليش لما نتخيل شي مو زين مثل ان شخص بيرحل او شي مو زين بصير ...

يصاحب تخيلنا دموع وشعور يعور وطعم مر ...رغم ان هذا الشي مو موجود وخيال ؟؟؟؟

()()()()()()

الجواب :
تدرون ان دماغنا ما يميز بين الحقيقه والخيال فاذا تخيلنا شي يرسل اشارات فننفعل ممكن نتزل دموعنا ممكن نبتسم ...حسب تخيلنا ....فاذا تذكرنا موقف حزين تذكرنا صورة هذا الموقف فبيرجع الانفعال الحزين نفسه لنا لان دماغنا ما يميز مابين الصوره الحقيقيه والخياليه ...اي الصوره الحقيقيه الواقعه امام العين حاليا والصوره اللي يرسمها الشخص في دماغه ......

فشفتوا شلون ان للذكريات طعم .